فضيت خلاص كل الكاسات
وكل ما اقول ده جرحى مات
يخرج لى سكين الهنا
ويقولى متنسيش لعبنا
يامه ضحكنا عليه هنا
على جثته وسط التراب
وايدينا مليانه بدماه
هتموتيه وهتقتليه
اوعك تقولى مش انا
انا قلبى مات من سكات
حتى الصديق مبقاش رفيق
بقى عدوك من هنا
امتى هفوق من وهم ساكن
فى الخبا
امتى يا ناس هعيش خلاص
ويرجعلى احساس الندا
مكنتش صدمة فى الحياة
تعيشنى فى كلمة حياة
خايفه من كل الورى
جايز يكون كتر السكات
كان الألم
لكن ياريت كل اﻷلم
يرجع أوام
اصلى خلاص مبقتش احس
بأى ناس
ولا حتى بيا أنا
بقيت فراغ داخل فراغ
ساكن فى رقعة مبقعة
ليلها ظلام ونهارها
ضحكة وتحية قبعة
ليست هناك تعليقات:
إرسال تعليق